Қазақстан жастар құрамасының экс-капитаны «Хан Тәңіріге» ауысуы мүмкін
Қазақстан жастар құрамасының бұрынғы капитаны Айдос Орал «Хан Тәңіріге» ауысуға жақын, деп хабарлайды Prosports.kz сайты.
24 жастағы жартылай қорғаушы алматылық клуб орналасқан жерге келді. Орал – Қарағанды футболының түлегі, Қазақстанның жастар құрамаларында ойнаған және Гранаткин мемориалы турнирінде команда капитаны болған.
Клубтық деңгейде «Шахтер», «Шахтер-Булат» және «Жас-Сұңқар» командаларында өнер көрсетті. Орал соңғы маусымды Алтайдың құрамында өткізді.