«Барыс» қатарынан төртінші матчта жеңіліп қалды

Астаналық «Барыс» Құрлықтық хоккей лигасының (ҚХЛ) тұрақты чемпионаты матчында Тольяттидің «Лада» командасынан жеңіліп қалды, деп хабарлайды Prosports.kz.

Кездесу 0:3 есебімен «Ладаның» пайдасына аяқталды.

Тольяттилік команда сапында Никита Попугаев, Андрей Алтыбармакян және Трой Джозефс голдың авторы атанды.

Олег Болякин келесі құрамды шығарды: Шутов (Кудимов) - Скленичка — Грант, Камара — Апальков — Червени; Хенкель — Ножье, Савицкий — Шестаков — Оберг; Шалапов — Данияр, Өмірбеков — Шайхмедденов — Рымарев; Бекетаев — Нұрғалиев, Оспанов — Гурков — Логвин.

Естеріңізге сала кетейік, 16 қаңтарда «Барыс» өз алаңында уфалық «Салаватом Юлаевпен» кездеседі.

«Барыс» (Астана) - «Лада» (Тольятти) 0:3 (0:1, 0:2, 0:0)

0:1 - Попугаев (Сафин) - 10:59
0:2 - Алтыбармакян (Михайлов, Березин) - 30:39
0:3 - Джозефс (Кугрышев, Бородкин) - 38:19

Қақпашылар: Шутов - Подъяпольский