«Жеңіс» Түркияда төрт жолдастық кездесу өткізеді

«Жеңіс» футбол клубы Түркияның Белек қаласында өтіп жатқан оқу-жаттығу жиыны аясында төрт жолдастық кездесу өткізеді, деп хабарлайды Prosports.kz.

Алғашқы кездесу 20 қаңтарда болгариялық «Славия» командасына қарсы өтеді. Келесі қарсылас Ташкенттен келген «Олимпик» болады. Матч 24 қаңтарға жоспарланған. Тағы үш күннен кейін қазақстандық клуб «Малишевомен» (Косово) кездеседі. Соңғы ойын 31 қаңтарда болгариялық «Спартакпен» өтеді.