Қазақстандық теннисшілер Australian Open турниріндегі алғашқы қарсыластарын білді

Қазақстандық теннисшілердің Australian Open 2024 іріктеу кезеңіндегі алғашқы қарсыластары белгілі болды, деп хабарлайды Prosports.kz.

Үш қазақстандық теннисші Австралия ашық чемпионатының іріктеу кезеңінде өнер көрсетеді: Бейбіт Жұқаев (ATP рейтингінде 188-орын), Денис Евсеев (190-орын) және Тимофей Скатов (222-орын). Жұқаев аргентиналық Николас Кикермен (510-орын), Евсеев украиналық Виталий Сачкомен (169-орын) кездеседі, ал Скатовтың турнир басындағы қарсыласы босниялық теннисші Дамир Джумхур (154-орын) болады.

Айта кетейік, Қазақстанның жекелей сында үздік теннисшісі Александр Бублик (32-орын) 2024 жылғы Australian Open турниріндегі өнерін бірінші айналымнан бастайды.