«Ювентус» жартылай қорғаушысымен келісімшартты ұзартатынына сенімді

«Ювентустың» спорт директоры Кристиано Джунтоли жартылай қорғаушы Адриен Рабьомен келісімшартты ұзартатынына сенімді, деп хабарлайды Prosports.kz.

«Біз үздік ойыншыларымызды командада сақтап қалғымыз келеді. Адриенмен жаңа келісімшартты ұзартқымыз келеді және алдағы айларда оны талқылаймыз. Біздің қарым-қатынасымыз керемет», - деп келтіреді Джунтолидің сөзін Фабрицио Романо.

Естеріңізге сала кетейік, Адриен Рабьоның «Ювентуспен» келісімшарты осы маусымның соңында аяқталады.