«Тобыл» Руслан Валиуллинге қатысты шешім қабылдады

Қостанайлық «Тобыл» қазақстандық қорғаушы Руслан Валиуллиннің командадағы болашағы туралы мәлімдеме жасады, деп хабарлайды Prosports.kz.

«Руслан бізбен бірге!

Қазақстан құрамасының қорғаушысы Руслан Валиуллин «Тобылмен» келісімшартын ұзартты.

Руслан «Тобыл» құрамында Премьер-лигада 2019 жылдың 9 наурызында Қостанайда «Ертіске» қарсы матчта дебютін өткізді (3:0).

«Тобыл» құрамында футболшы барлық турнирде 80 матч өткізді.

Руслан Валиуллин «Сары-жасылдармен» бірге ел чемпионатын жеңіп алып, Суперкубогы пен ҚР Кубогының иегері атанған», - делінген клуб хабарламасында