Бибісара Асаубаева мен Меруерт Камалиденова жүлдеге таласқа қосылды

Өзбекстанның Самарқан қаласында шахматтың рапид және блиц түрінен әлем чемпионаты өтіп жатыр, деп хабарлайды prosports.kz туризм және спорт министрлігінің баспасөз қызметіне сілтеме жасап.

Бүгін әйелдер блиц шахматтан 9 тур ойнады. Қазіргі әлем чемпионы Бибісара Асаубаева 6 ұпай жинап (5 жеңіс, 2 тең ойын), бас жүлдеге таласу мүмкіндігін сақтап қалды. Көш басындағы Валентина Гунинаның қазақ шахматшысынан 2,5 ұпайы көп. Ұлттық құраманың тағы бір ойыншысы Меруерт Камалиденованың еншісінде 6 ұпай бар (5 жеңіс, 2 тең ойын). Бір қызығы, екі гроссмейстер ертең 10-турда шеберлік байқасады. Осыдан кейін 5,5 ұпай жинаған Алуа Нұрманова тұр.

Ксения Балабаева – 4 ұпай

Әмина Қайырбекова – 4 ұпай

Назерке Нұрғали – 4 ұпай

Зарина Нұрғалиева – 4 ұпай

Әсел Серікбай – 3,5 ұпай

Лия Құрманғалиев – 3,5 ұпай

Елназ Калиахмет – 3 ұпай

Айару Алтынбек – 2 ұпай

Айта кетейік, биылғы чемпионаттың жалпы жүлде қоры – 1 миллион АҚШ доллары. Оның 700 мыңы ерлер арасындағы ашық бәсекеде, қалған 300 мыңы әйелдер арасындағы турнирдің жүлдегерлері алады.