UFC-де жылдың үздік файтерінің есімі белгілі болды
![UFC-де жылдың үздік файтерінің есімі белгілі болды](https://prosports.kz/upload/news/content//202312/203991_522af8ff1ed48ff843342c08236b5ff9.jpg?v=28666724)
Жеңіл салмақтағы қазіргі UFC чемпионы ресейлік Ислам Махачев ESPN нұсқасы бойынша 2023 жылдың үздік файтері атанды, деп хабарлайды Prosports.kz.
2023 жылы Ислам Махачев екі жекпе-жек өткізді. 12 ақпанда Перт қаласында (Австралия) өткен UFC 284 турнирінде ресейлік жергілікті Александр Волкановскиймен кездесті. Бес раундтың қорытындысы бойынша төрешілер жеңісті Исламға берді.
21 қазанда Абу-Дабиде (БАӘ) UFC 294 турнирінде Махачев Волкановскиймен қарымта кездесу өткізді. Бұл жолы Ислам бірінші раундта мерзімінен бұрын жеңді.
Естеріңізге сала кетейік, Ислам Махачевтің аралас жекпе-жектегі кәсіби рекорды 25-1. Ресейлік спортшы қазір салмақ дәрежесіне қарамастан UFC үздік файтерлерінің рейтингінде бірінші орында тұр.