Қазақстан құрамасы әлем чемпионатына іріктеуді сенімді аяқтады

Қазақстан құрамасы футзалдан 2024 жылғы әлем чемпионатының элиталық іріктеу кезеңінің финалдық матчында сырт алаңда Румыниямен ойнады, деп жазады Prosports.kz.

Кака келесі құрамды алаңға шығарды: Серіков, Валиуллин, Есенаманов, Кнауб, Әбдуманапұлы – Игита, Құлбаев, Кәрменов, Тұрсағұлов, Тайбасаров, Оразов, Дәрібай, Төреғазин, Қайырбай.

Қонақтар бірінші таймда Шыңғыс Есенамановтың голының арқасында есеп ашса, екінші таймда Біржан Оразов команданың жетістігін нығайтты. 2:0 – Қазақстан құрамасының пайдасына.

Осылайша, Қазақстан турнирдің осы кезеңіндегі алты кездесудің барлығында жеңіске жетіп, финалдық кезеңге еш қиындықсыз жолдама алды.