NAVI ұжымы G2 командасын жеңіп, BLAST Premier World Final 2023 турнирінің жартылай финалына шықты

Natus Vincere CS2-ден BLAST Premier: World Final 2023 турнирінің ширек финалында G2 Esports командасынан басым түсті, деп хабарлайды Prosports.kz.

Команда 2:1 есебімен жеңіске жетті (Anubis-те 13:16, Inferno-да 13:11 және Nuke-де 13:6).

Бұл шешуші жеңіс капитан Алекси Aleksib Виролайнен бастаған NaVi командасын жартылай финалға шығарды, онда олар Team Vitality командасымен кездеседі.

Расмус HooXi Нильсеннің ұжымы турнирдегі өнерін аяқтады. G2 Esports командасы 5-6-орындарды иеленіп, 25 000 доллар сыйақы алды.

BLAST Premier: World Final 2023 чемпионаты 13-17 желтоқсан аралығында Абу-Дабидегі Etihad Arena-да өтіп жатыр.