Қазақстандық әлем чемпионы IBA Night of Champions турнирінде командасына екінші жеңісін әкелді

Бүгін Астанада Халықаралық бокс қауымдастығының (IBA) ұйымдастыруымен «Чемпиондар түні» атты бокс кеші өтіп жатыр, онда Қазақстан чемпиондары шартты әлем құрамасымен жұдырықтасады, деп хабарлайды Prosports.kz.

Екінші кездесуінде 2023 жылғы әлем чемпионы қазақстандық Махмұд Сабырхан өнер көрсетті. Оған кубалық Освальдо Диас қарсы шықты.

57 келіге дейінгі салмақ дәрежесінде өткен алты раундтық жекпе-жек бүкіл қашықтыққа созылып, Сабырханның жеңісімен (3:0) аяқталды.

Естеріңізге сала кетейік, кештің басты жекпе-жегінде қазақстандық Олимпиада чемпионы Данияр Елеусінов (11-0,6 КО) Оңтүстік Африка Республикасынан келген Джабулани Махенсемен жұдырықтасады.