Рыбакина тай-брейктегі жеңісі бойынша әлемде үздік атанды
![Рыбакина тай-брейктегі жеңісі бойынша әлемде үздік атанды](https://prosports.kz/upload/news/content//202312/472_4c5f0067e41c1216f3c4155df6054889.jpg?v=28746484)
Қазақстанның бірінші, әлемнің 4-ракеткасы Елена Рыбакина 2023 жылдың қорытындысы бойынша тай-брейктегі жеңісі бойынша үздік атанды, деп хабарлайды Prosports.kz тілшісі ҚазАқпаратқа сілтеме жасап.
OptaAce басылымының мәліметінше, қазақстандық теннисші биылғы WTA турнирлерінде 16 тай-брейкті өз есебіне жазған.
Бұл көрсеткіш бойынша бразилиялық Беатрис Хаддад Майя екінші орында тұр. Оның еншісінде 15 тай-брейктегі жеңіс бар. Сондай-ақ үздік бестікке ресейлік Екатерина Александрова (14), чехиялық Петра Квитова (13) және Беларусь өкілі Арина Соболенко (13) енді.
Биыл Елена Рыбакина Аустралия ашық чемпионатының финалына дейін жетіп, Индиан-Уэллс пен Рим WTA 1 000 турнирлерінде жеңімпаз атанған еді.