2023 жылғы үздік қақпашы жүлдесіне үміткерлер жарияланды

Халықаралық футбол федерациясы 2023 жылдың үздік қақпашысы жүлдесіне үш үміткерді жариялады, деп хабарлайды Prosports.kz.

Үздік финалистер Яссин Буну («Аль-Хиляль» Марокко), Тибо Куртуа («Реал»/Бельгия) және Эдерсон («Манчестер Сити»/Бразилия).

Үміткерлерді анықтау кезінде олардың 2022 жылғы 19 желтоқсаннан 2023 жылғы 20 тамызға дейінгі кезеңдегі көрсеткіштері қаралды.

Жылдың үздік қақпашысы жүлдесінің жеңімпазы 15 қаңтарда Лондонда өтетін салтанатты шарада жарияланады.

Айта кетейік, аргентиналық Эмилиано Мартинес 2022 жылдың үздік қақпашысы.