ХОК ресейліктерді 2024 жылғы Олимпиадаға жіберу туралы шешімін түсіндірді

Ресей мен Беларусь спортшыларын 2024 жылы Парижде өтетін Олимпиада ойындарына бейтарап мәртебеде жіберу туралы шешім бүкіл әлемдегі спортшылардың көпшілігінің пікірімен байланысты, Ресей Олимпиада комитетінің (РОК) оған әсері жоқ, деп хабарлайды Prosports.kz.

ХОК Атқарушы комитеті бұған дейін ресейлік және беларусь спортшыларының Парижде өтетін ойындарға бейтарап тумен, бірқатар критерийлерді ескере отырып жіберілетінін хабарлаған. Франция астанасындағы Олимпиада 2024 жылдың 26 ​​шілдесі мен 11 тамызы аралығында өтеді.

Хабарламада атап өтілгендей, бұл шақыруды Ұлттық Олимпиада комитеттері қауымдастығы (ҰОК) және континенттік ҰОК қауымдастықтары қолдады.

«Спортшылардың көпшілігінің пікірі бойынша басқа спортшыларды үкіметтің әрекеттері үшін жазалау дұрыс емес», - делінген хабарламада.