Еуропа чемпионатының қола жүлдегері ҚПЛ клубымен келісімшарт жасасты
![Еуропа чемпионатының қола жүлдегері ҚПЛ клубымен келісімшарт жасасты](https://prosports.kz/upload/news/content//202312/472_b5bc64c519bd3d5569afe3e87279e275.jpg?v=28674188)
Денис Колодин «Елімай» футбол клубында бас бапкердің көмекшісі болып тағайындалды, деп хабарлайды Prosports.kz.
«Елімай» футбол клубы Денис Алексеевичпен келісімге келгенін ресми түрде хабарлайды.
Колодин – Ресей құрамасының бұрынғы ойыншысы. Ол 2008 жылы Еуропа чемпионатында қола жүлдегері атанды.
41 жастағы маман бұған дейін ресейлік «Химки», сондай-ақ петропавлдық «Қызыл-Жар» және «Ақтөбе» ұжымдарында қызмет атқарған. Ойыншы кезінде Андрей Карповичпен бірге «Алтайда» бір маусым өткізді.
Денис Алексеевич бас бапкеріміз Андрей Владимировичпен бірге соңғы екі маусымда ҚПЛ-дың күміс және қола жүлдегер атанды.
Маманға «Елімай» сапында тек сәттілік тілейміз», - делінген клуб хабарламасында.