Әлем чемпионаты: Қазақстан үшінші алтын медаль жеңіп алды

Қазақстандық боксшы Айсұлу Мұхит 2023 жылы Ереванда (Армения) өткен бокстан жасөспірімдер арасындағы әлем чемпионатының финалында өнер көрсетті, деп хабарлайды Prosports.kz.

66 келі салмақта финалдық кездесуде Айсұлу Румыния боксшысы Амалия Тугуймен кездесіп, 3:2 есебімен жеңіске жетті.

Осылайша, Айсұлу Мұхит әлем чемпионатының үшінші алтынын жеңіп алды.

Айта кетейік, Ертең тағы бір қазақстандық боксшы – Нұрасыл Төлебек (54 келі) алтын үшін жұдырықтасады.