Қазақстандық боксшы Ереванда өткен әлем чемпионатында алтын медаль жеңіп алды

Қазақстандық боксшы Аяжан Сыдық Ереванда (Армения) өткен жасөспірімдер арасындағы әлем чемпионатының финалында үндістандық Амиша Керкеттамен жұдырықтасты, деп хабарлайды Prosports.kz.

54 келі салмақта Сыдық пен Керкетта финалда кездесті. Жекпе-жекте төрешілердің бірауызды шешімімен қазақстандық боксшы 5:0 есебімен жеңіске жетті.