Forbes 2023 жылы ең көп табыс тапқан Формула-1 шабандоздарын жариялады

«Ред Булл» шабандозы Макс Ферстаппен Forbes журналының нұсқасы бойынша 2023 жылы ең жоғары табыс тапқан Формула-1 шабандоздарының рейтингінде көш бастады, деп хабарлайды Prosports.kz.

Өткен маусымда 26 жастағы голландиялық 22 жарыстың 19-да жеңіске жетіп, әлем чемпионы атағын сақтап қалды.

Ферстаппеннің табысы мен бонустары шамамен 70 миллион долларды құрайды. Осы көрсеткіш бойынша ол 55 миллион доллар табыс тапқан «Мерседес» шабандозы Льюис Хэмилтонды басып озды.

Формула-1 бойынша ең көп табыс тапқан он шабандоз:

Фернандо Алонсо («Астон Мартин», $34 млн), Серхио Перес («Ред Булл», $26 млн), Шарль Леклер («Феррари», $19 млн), Ландо Норрис («Макларен», $15 млн), Карлос Сайнс («Феррари», $14 млн), Джордж Расселл («Мерседес», $9 млн), Пьер Гасли («Альпин», $8 млн) және Оскар Пиастри («Макларен», $8 млн).