«Алматы» ресейлік хоккейшінің клубтағы тағдырын шешті
![«Алматы» ресейлік хоккейшінің клубтағы тағдырын шешті](https://prosports.kz/upload/news/content//202311/201736_67f4cf07b3af9897d5200b6894547c16.jpg?v=28696281)
Алматылық хоккей клубы ресейлік ойыншы Евгений Зуевпен келісімшартты бұзғаны туралы ресми мәлімдеме жасады, деп хабарлайды Prosports.kz.
«Евгений Зуев алматылық хоккей клубынан кетті. Келісімшарт тараптардың келісімімен бұзылды», - деп хабарлады алматылық команда.
19 жастағы қорғаушы Қазақстан чемпионатының биылғы маусымында 14 матч өткізіп, екі ұпай (2+0) еншілеген. Пайдалылық көрсеткіші «-5».
Айта кетейік, Алматы қазір 24 ұпаймен турнир кестесінде тоғызыншы орында және Ақтөбеден төрт ұпайға қалып келеді.