«Интердің» атқарушы директоры Лаутаро Мартинеспен келісімшартты ұзартатынына сенімді

«Интердің» атқарушы директоры Джузеппе Маротта аргентиналық шабуылшы Лаутаро Мартинеспен келісімшартты ұзартатынына сенімді, деп хабарлайды Prosports.kz тілшісі инсайдер Фабрицио Романоға сілтеме жасап.

«Лаутаро Мартинестің жаңа келісімшарты бойынша ешқандай проблема жоқ. Ол да бізбен ұзақ жылдар қалғысы келетінін талай рет айтқан. Біз бір жақтамыз, бірге жалғастырғымыз келеді және келіссөз оңай болады», - деді Маротта.

Осы маусымда Лаутаро Мартинес «Интер» сапында 16 матч өткізіп, 14 гол соғып, бір нәтижелі пас берді.