Месси мен Роналду соңғы рет кездесуі мүмкін
![Месси мен Роналду соңғы рет кездесуі мүмкін](https://prosports.kz/upload/news/content//202311/472_6f5d453191302feb0a4e8317285b132e.jpg?v=28696885)
Аргентина құрамасының капитаны Лионель Месси өнер көрсететін америкалық «Интер Майами» мен португалиялық Криштиану Роналду ойнайтын «Әл-Наср» арасында жолдастық кездесу өтетіні ресми түрде жарияланды, деп хабарлайды Prosports.kz тілшісі.
Аты аңызға айналған футболшылардың «Соңғы би» деп аталатын кездесуі 2024 жылдың ақпан айында Эр-Риядта (Сауд Арабиясы) өтуі мүмкін.
Естеріңізге сала кетейік, Месси мен Роналдудың соңғы кездесуі 2023 жылдың 19 қаңтарында аргентиналық футболшы әлі ПСЖ сапында ойнап жүргенде өткен болатын. Сол кезде ПСЖ Эр-Рияд жұлдызды командасымен жолдастық кездесу өткізген еді.
Кездесуде Роналду дубль жасағанымен, оның командасы 4:5 есебімен жеңіліп қалған болатын. Лионель Месси матчта есеп ашқан.