Қазақстандық ауыр атлет әлем чемпионатында алтын медаль жеңіп алды

Қазақстандық ауыр атлет Едіге Емберді Мексикада өтіп жатқан жастар арасындағы әлем чемпионатында алтын медаль жеңіп алды, деп хабарлайды Prosports.kz.

81 келі шекті санаттағы турнирде Емберді 336 (145+191) келі нәтижемен жеңіске жетті.

Әйелдер арасында 49 келіге дейінгі салмақта сынға түскен Юлия Трошкина қоссайыс бойынша 150 (70+80) келіге жетіп, 10-орынға тұрақтады.

Айта кетейік, Мексикадағы әлем чемпионаты 23 қарашада аяқталады. Турнирге 44 елден 229 спортшы қатысып жатыр.