Ресейлік файтерден жеңілген Еркін Дәрменов төрешілердің шешіміне қарсы шықты
![Ресейлік файтерден жеңілген Еркін Дәрменов төрешілердің шешіміне қарсы шықты](https://prosports.kz/upload/news/content//202311/201131_35118c6b7922713a27d5055904aca5bc.jpg?v=28697124)
Алматыдағы Балуан Шолақ атындағы спорт сарайында өтіп жатқан OCTAGON 52 аралас жекпе-жек кеші аясында Еркін Дәрменов жұдырықтасты, деп жазады Prosports.kz
Ол 23 жастағы ресейлік Хамзат Чапановпен (13-3) кездесіп, жеңіліс тапты. Екінші минутта ресейлік спортшының жасаған әдісінен кейін төреші жекпе-жекті тоқтатты. Алайда Еркін Дәрменов төрешінің шешімімен келіспейтінін жеткізді.
Кештің басты жекпе-жегінде қазақстандық Аян Тұрсын (4-0) мен ресейлік Марина Шутова (5-2-1) кездеседі.
Негізгі жекпе-жекте қазақстандық UFC-ге үміткер файтер Бекзат Алмахан (16-1) 29 жастағы бразилиялық Ян Ферразбен (15-5) кездеседі. Бұл жекпе-жекті әлемнің ең үздік лигасының матчмейкерлері бақылайды.