Алғаш болып: Роналду тағы бір тарихи рекордқа қол жеткізді

Футболдан Португалия құрамасының шабуылшысы Криштиану Роналду 38 жасында ұлттық команда сапында 10 гол соққан алғашқы футболшы атанды, деп хабарлайды Prosports.kz.

Футболшы Еуро-2024 іріктеу турнирінің тоғызыншы турында Лихтенштейн қақпасына гол соқты.

Қазір Роналду осы іріктеудегі 10 голымен үздік сұрмергендер тізімінде көш бастап тұр. Бельгия құрамасының шабуылшысы Ромелу Лукаку да он гол салған.

Роналду құрама сапында 203 матч өткізіп, 127 гол соққан.

Криштиану 2022 жылдың желтоқсанынан бері Сауд Арабиясының «Әл‑Наср» клубында ойнайды. Футболшы саудиялық клуб сапындағы 36 матчта 30 гол салып, 11 нәтижелі пас берді.