Танымал ММА промоушені Қазақстанда турнир өткізеді

Сәбит Жүсіпов жеңіске жеткеннен кейін AMC Fight Nights лигасының президенті Камил Гаджиев келер көктемде Қазақстанда турнир өткізуге уәде берді, деп хабарлайды Prosports.kz.

Гаджиев Сәбит пен Магеррам Гасанзаде теке-тіресіне нүкте қойғысы келетінін айтты, әзербайжандық файтер жарақатына байланысты Мәскеуде өнер көрсете алмады.

Айта кетейік, Fight Nights Global 2017 және 2018 жылдары Қазақстанда төрт турнир өткізген - Астанада екеу, Алматыда екеу. Үш турнирде Жалғас Жұмағұлов, тағы біреуінде Қуат Хамитов басты жекпе-жекте өнер көрсетті.