«Қайраттың» Чемпиондар лигасы Элиталық кезеңіндегі қарсыластары анықталды
![«Қайраттың» Чемпиондар лигасы Элиталық кезеңіндегі қарсыластары анықталды](https://prosports.kz/upload/news/content//202311/472_1f0b53cae18bda5061cc8e0cc567d301.jpg?v=28702215)
УЕФА-ның Ньондағы штаб-пәтерінде футзалдан Чемпиондар лигасы элиталық кезеңінің жеребе тарту рәсімі өтті, деп хабарлайды Prosports.kz.
Негізгі айналымда өз тобында екінші орын алған алматылық «Қайрат» В тобындағы төрттікке енді. Марлон Веласко командасының қарсыластары португалиялық «Бенфика», словениялық «Добовец» және Косовоның «Приштина» командалары болды.
![](https://img.prosports.kz/news/content//202311/201104_20b2eca441f8d1a7796cdaad1b6da06e.png)
В тобының матчтары 28 қараша мен 3 желтоқсан аралығында «Приштина» алаңында өтеді.
Элиталық кезеңнің қорытындысы бойынша 4 топтың жеңімпаздары «Төртеу финалын» құрады, онда командалар футзалдан УЕФА Чемпиондар лигасының жеңімпазы атағын өзара анықтайды.