Азия пара ойындары аясында дзюдодан қазақстандық қос спортшы жеңімпаз атанды
![Азия пара ойындары аясында дзюдодан қазақстандық қос спортшы жеңімпаз атанды](https://prosports.kz/upload/news/content//202310/472_7113507909b0bccfa1c41c61803ba687.jpg?v=28753334)
Ханчжоуда өтіп жатқан Азия пара ойындары аясында дзюдодан қазақстандық қос спортшы жеңімпаз атанды. Жанбота Аманжол күміс медаль, ал Ғалымжан Смағұлұлы қола медаль иеленді, деп хабарлайды Prosports.kz тілшісі Zakon.kz сайтына сілтеме жасап.
90 келіге дейінгі салмақта (J2 санаты) өнер көрсеткен отандасымыз Жанбота Аманжол күміс медаль иеленді.
Өкінішке қарай, ол алтын медальға таласта Корея спортшысы Ли Джунгке жол беріп алды.
Ғалымжан Смағұлұлы үшінші орын үшін өткен тартыста Өзбекстан палуанын жеңді. Жекпе-жек J2 санаты бойынша 90 келіге дейінгі салмақ дәрежесіндегі палуандар арасында өтті.
Айта кетсек, Айта кетсек, Азия пара ойындары барысындағы жарыстың үшінші күні алғашқы медальды Зарина Раифова иеленді. Ол Қазақстан құрамасы қоржынына күміс медаль салды. Одан кейін таеквондошы Нұрлан Домбаев Азия пара ойындарында қола медаль еншіледі.