Арсен Буранчиев: «Алаңға тезірек оралғым келді»
«Қайрат» жартылай қорғаушысы «Ақсуды» жеңгені (4:1) және жарақаттан кейін алаңға оралғаны туралы айтты.
– Арсен, ең алдымен алаңға оралуыңмен құттықтаймыз! Алаңға шығар алдында қандай әсерде болдың?
– Көп рақмет! Алаңға оралғаныма қуаныштымын. Осы сәтті көп күттім. Сонымен қатар шыққан кезде барлығы шапалақ ұрып, мені қолдады. Бұл да маған қосымша күш берді.
– Алаңға шығар алдында Кирилл Сергеевич пен дәрігеріміз Дастан саған не деді?
– Кирилл Сергеевич бойымда эмоция мен андреналинге толы екенін айтты. Өзіңді ұстап, алаңда салқынқанды болып, абайлап ойнауың керек деді.
