Қазақстандық теннисші Франциядағы турнирде топ жарды
![Қазақстандық теннисші Франциядағы турнирде топ жарды](https://prosports.kz/upload/news/content//202310/472_24708b011a6ddf20a852ae9a1ab5c6e8.jpg?v=28753168)
23 жастағы қазақстандық теннисші Жібек Құламбаева польшалық спортшы Мартына Кубокпен дуэтте Чербурда (Франция) өткен ITF сериясындағы турнирдің чемпионы атанды, деп хабарлайды Prosports.kz.
Финалдық кездесуде Қазақстан-Польша жұбы франциялық Ясмин Мансури мен бельгиялық теннисші Лаура Солденмен кездесті. Құламбаева мен Кубок қарсыластарын 6:0, 6:3 есебімен жеңді.
Қазақстандық спортшының бұл - ITF жұптық турнирде осы маусымдағы алтыншы және мансабындағы 25-ші титулы. Бұған дейін Мартына мен Жібек Прагада өткен турнирдің жеңімпазы атанған болатын.