Ат спорты: Астанада конкурдан ел чемпионаты өтеді
Астанада Республика күнін тойлау аясында конкурдан ел чемпионаты өтеді. Kazinform бұл туралы Ұлттық олимпиада комитетінің ресми сайтына сілтеме жасап хабарлайды.
Жарыстар 21-22 қазан аралығында “Арғымақ” ат-спорттық сауықтыру кешенінде болады.
Қазақстанның түкпір-түкпірінен жиналған үздік спортшылар екі күн бойы түрлі биіктіктегі 8 бағытта шеберлігін көрсетеді. Жеке бағыттарда Қырғызстан спортшылары да бақ сынайды.
Жарыстың жүлде қоры – 26 миллион теңге. Басталуы–10.00-де, кіру тегін.