«Манчестер Юнайтед» екі қорғаушысымен келісімшартты ұзартқысы келеді
«Манчестер Юнайтед» қорғаушылар Виктор Линделеф пен Аарон Ван-Биссакамен келісімшартты ұзартқысы келеді, деп хабарлайды Prosports.kz тілшісі ESPN сайтына сілтеме жасап.
«Манчестер Юнайтед» ойыншыларды кем дегенде 2025 жылдың жазына дейін қалдырғысы келеді. Сонымен қатар, клуб шабуылшы Энтони Марсьяльдің болашағы туралы шешім қабылдау керек. Бәрі ойыншының осы маусымда қалай өнер көрсететініне байланысты болады.
«МЮ» французды осы жазда сатуға дайын болған, бірақ ұсыныс тек Сауд Арабиясынан түскен. Марсьяль саудиялықтармен келіссөз жүргізбеді.
