«Жанкүйерлердің арқасында жеңіске жеттік». Дәурен Тұрсағұлов – Әзербайжанға қарсы матч туралы
Қазақстанның және әлемнің спорт жаңалықтарына жазылыңызҚазақстан құрамасының ойыншысы Дәурен Тұрсағұлов Prosports.kz тілшісі Бекарыс Әлімханға берген эксклюзивті сұхбатында Әзербайжанмен өткен ойын туралы айтып берді.
– Дәурен, жеңіс құтты болсын! Ойын жайлы не айтасыз?
– Ойынды сәтсіз бастадық, бірақ екінші таймда өзімізге келіп, жеңіске жеттік. Жанкүйерлерге алғыс айтқым келеді – олар бізге күш берді. Бірінші таймда сәтсіз болды, ал жанкүйерлер бізге жігер берді. Алла мен жанкүйерлердің арқасында жеңіске жеттік. Топтағы басты қарсыластың бірін жеңгенімізге өте қуаныштымыз.
– Қазір Қазақстан өз тобында көш бастап тұр.
– Алда екі ойын бар: Нидерландымен өз алаңымызда және Румыниямен сырт алаңда ойнаймыз. Топтан шығуға кепілдік беру үшін тағы үш ұпай еншілеу қажет.
– Сізге қай қалада өнер көрсеткен ыңғайлы, Астанада ма, Алматыда ма?
– Барлық жер бірдей. Ешкімді ренжіткім келмейді, өйткені олардың барлығы біздің жанкүйерлеріміз.