Бабаян «Виктория Пльзеньге» қарсы ойын туралы пікір білдірді
![Бабаян «Виктория Пльзеньге» қарсы ойын туралы пікір білдірді](https://prosports.kz/upload/news/content//202310/472_e793804e47ac395e58b0045615d301d1.jpg?v=28706184)
Елордалық «Астана» бас бапкері Григорий Бабаян Конференция лигасының топтық кезеңіндегі «Виктория Пльзеньге» (1:2) қарсы ойын туралы пікір білдірді, деп хабарлайды Prosports.kz тілшісі Meta-ratings.kz сайтына сілтеме жасап.
«Біз күткендей, матч өте қиын болды. Кейде ойын өрескел болды, бірақ бұл олардың стилі - мықты, агрессив футбол ойнайды. Бізде қиындықтар болды: «Ақтөбеден» кейін 7-8 ойыншы вирус жұқтырды. Біз екі жылдам гол жіберіп алдық. Футболшы алмастыру арқылы ойынға оралуға тырыстық. Бәрі барын салып ойнады. Өте өкінішті жеңіліс. Біз жанкүйерлерімізді қуантқымыз келді», - деді Бабаян.
Конференция лигасы топтық кезеңінің екі ойынынан кейін Бабаянның командасы бірде-бір ұпай жинай алмай, С тобында соңғы орында тұр.