Азиада-2022: Қазақстан тоғызыншы күміс медаль иеленді

Қазақстандық Маргарита Торлопова мен Ульяна Киселева Қытайдың Ханжчоу қаласында өтіп жатқан Азия ойындарында күміс жүлдегер атанды, деп хабарлайды Prosports.kz.

Каноэде ескек есуден жұптық сайыста қазақстандық спортшылар 200 м қашықтықты 46.627 секундта бағындырып, екінші орын алды. Жеңіске Қытай құрамасының (44.296) спортшылары жетті, ал үшінші орынды Өзбекстан иеленді.

Қазіргі уақытта Қазақстанның қоржынында 42 медаль бар: төрт алтын, тоғыз күміс және 29 қола.