Азиада: Әділбек Мусин екінші мәрте қола алды
Қазақстандық суға жүзуші Әділбек Мусин Қытайдың Ханчжоу қаласында өтіп жатқан XIX жазғы Азия ойындарында ерлер арасында 50 метрге баттерфляй әдісімен жүзуде қола алды, деп хабарлайды ҚазАқпарат тілшісі.
Қазақстандық спортшы аталған сайыс түрінде еліміздің атынан жалғыз өзі сынға түсті. Нәтижесінде мәреге үшінші болып келді.
Бұл - Азия ойындарында ел құрамасы қоржынына түскен 22-медаль.
