Аяна Тұрсын 2022 жылғы Азия ойындарында қола медаль иеленді

Қытайдың Ханчжоу қаласында өтіп жатқан 2022 жылғы Азия ойындарында Қазақстан қоржынына оныншы қола жүлде түсті, деп хабарлайды Prosports.kz.

Ушудан жартылай финалдық жекпе-жекте Аяна Тұрсын қытайлық спортшы И Лимен кездесуі керек еді, бірақ Тұрсынға техникалық жеңіліс берілді, ешқандай төреші шешімі немесе жазба жарияланған жоқ.

Айта кетейік, Аяна Тұрсын қазақстандық OCTAGON ММА-промоушенінің файтері. Кәсіпқой аралас жекпе-жекте ол 4 кездесу өткізіп, жеңіліп көрмеген.

Қазіргі таңда Қазақстан қоржынында 1 алтын, 2 күміс және 10 қола медаль бар.