Семсерлесуден қазақстандық спортшылар Ханчжоудағы Азия ойындарында сәтсіз өнер көрсетті
![Семсерлесуден қазақстандық спортшылар Ханчжоудағы Азия ойындарында сәтсіз өнер көрсетті](https://prosports.kz/upload/news/content//202309/472_1ce45a7d17d8a204011abd94db03d530.jpg?v=28710141)
Қытайдың Ханчжоу қаласында жазғы Азия ойындары жалғасып жатыр, деп хабарлайды Prosports.kz.
Семсерлесуден жекелей сайыста қазақстандық Артём Саркисян мен Назарбай Саттархан жақсы өнер көрсете алмады. Екі спортшы да плэй-офф кезеңіне жолдама алған. Дегенмен, Саттархан 1/8-де оңтүстіккореялық спортшыдан жеңіліп қалды – 6:15, ал Саркисян ширек финалда кувейттікке жол берді – 10:15.
Еске салайық, Азия ойындары-2022 23 қыркүйек пен 8 қазан арасында Ханчжоуда өтіп жатыр. Тоғыз спортта Париж Олимпиадасының жолдамасы сарапқа салынады.