Жәнібек Әлімханұлының командасы мәлімдеме жасады
![Жәнібек Әлімханұлының командасы мәлімдеме жасады](https://prosports.kz/upload/news/content//202309/472_f3faf368e479d6189be8903ae9f7df94.jpg?v=28701992)
WBO тұжырымы бойынша орта салмақтағы әлем чемпионы, қазақстандық боксшы Жәнібек Әлімханұлының командасы германиялық боксшы Винченцо Гуальтьериге қарсы жекпе-жекке дайындықтары қалай жүріп жатқанын айтты, деп хабарлайды Prosports.kz.
«Сегіз раундтық спаррингке шықтық. Бұйыртса келесі апта 10 раундтыққа өтеміз. Дайындық өте жоғары деңгейде. Екі титул бөлек шабыт!», – деп жазды Team Janibek Инстаграм-парақшасы.
Еске сала кетейік, 13 мамырда Стоктонда (Калифорния, АҚШ) өткен жекпе-жегінде «Қазақ стилі» канадалық Стивен Батлерді (32-4-1, 26 КО) екінші раундта техникалық нокаутпен жеңіп, чемпиондық белбеуін қорғап қалған болатын.
14 қазанда АҚШ-тың Техас штатындағы Розенберг қаласында WBO және IBF тұжырымдары бойынша орта салмақтағы титулдар үшін Жәнібек Әлімханұлы мен Винченцо Гуальтиери арасындағы жекпе-жек өтеді.