Юлия Путинцева жұптық сында Осака жарысының жартылай финалына шықты

Қазақстандық Юлия Путинцева жұптық сында Осака (Жапония) WTA 250 турнирінің жартылай финалына жолдама алды, деп хабарлайды ҚазАқпарат тілшісі.

Қазақстандық теннисші ресейлік Анна Калинскаямен бірге ширек финалда жарыстың 3-ракеткалары, ұлыбританиялықтар Нэйкта Бэйнс – Майя Люмсденмен кездесті.

Қазақстандық-ресейлік жұп 6:1, 6:4 есебімен басым түсті.

Бір сағаттан астам уақытқа созылған бәсеке барысында олар 2 эйс жасап, 9 брейк-пойнттың бесеуін пайдаланды. Ұлыбританиялық дуэт 2 эйс, 2 брейкпен (4 брейк-пойнт) көзге түсті.

Ю.Путинцева – А.Калинскаяның жартылай финалдағы қарсыластары кейін белгілі болады.

Юлия жекелей сында да доданы жалғастыруда. Ол ширек финалда әлемнің 39-ракеткасы, қытайлық Синьюй Ванмен шеберлік байқасады.