Қазақстан құрамасы әлемдік рейтингте үш саты жоғарылады

Футболдан Қазақстан құрамасы 2024 жылғы Еуропа чемпионатының іріктеу турнирінде Финляндия және Солтүстік Ирландиямен өткен ойыннан кейін әлемдік рейтингте жоғарылады, деп хабарлайды Prosports.kz.

Ұлттық құрама үш саты жоғарылап, 101-орынға жайғасты.

7 қыркүйекте Магомед Адиев шәкірттері Финляндия құрамасынан (0:1) жеңілсе, үш күннен кейін Солтүстік Ирландияны 1:0 есебімен жеңді.

Айта кетейік, қазір Қазақстан құрамасы Еуро-2024 іріктеу турнирінің H тобында 12 ұпаймен төртінші орында тұр.