«Барселонаның» бұрынғы ойыншысы Катар чемпионатына ауысты

Филиппе Коутиньо «Әл-Духайля» ойыншысы атанды, деп хабарлайды Prosports.kz тілшісі «Астон Вилланың» ресми сайтына сілтеме жасап.

Бирмингемдік клуб бразилиялық ойыншыны бір маусымға жалға берді. «Әл-Духайл» футболшыға осы кезеңдегі жалақысын толығымен төлеп отыратын болды.

Естеріңізге сала кетейік, «Астон Вилла» Коутиньоны бір жыл бұрын «Барселонадан» 20 миллион еуроға сатып алған болатын. Өткен маусымда ол АПл-да 20 матч өткізіп, бір гол соққан.