Головкин британиялық боксшымен жекпе-жек өткізуі мүмкін

Wasserman Boxing промоутерлік компаниясы әлеуметтік желіде жанкүйерлерді британиялық кіші Крис Юбэнктың келесі қарсыласын атауға шақырды, деп хабарлайды Prosports.kz.

«Нұсқа көп, бірақ Крис Юбэнк үшін кім бірінші болады?» - деп жазды компания баспасөз қызметі.

Ұсынылған үміткерлер арасында орта салмақтағы бұрынғы титул иегері Геннадий Головкин де бар.

Геннадий соңғы жекпе-жегін былтыр қыркүйекте Лас-Вегаста өткізген болатын. Мексикалық Сауль Канело Альвареспен трилогияда ол төрешілер шешімімен ұтылды.

Биыл қазақстандық боксшы WBA және IBF чемпиондық титулдарынан бас тартты.