Ресейлік UFC файтері АҚШ-қа көшу шешімін түсіндірді
![Ресейлік UFC файтері АҚШ-қа көшу шешімін түсіндірді](https://prosports.kz/upload/news/content//202309/201736_24175c7c23f7c7761bccc8f35a384960.jpg?v=28665650)
Аралас жекпе-жек (ММА) бойынша ресейлік Александр Волков АҚШ-қа көшу туралы шешімін түсіндірді, деп хабарлайды Prosports.kz.
«Мен Мәскеуде тым ұзақ тұрдым. Сол жерде сегіз-тоғыз жыл жаттықтым. Өзгерістер қажет болды, жаңа спарринг серіктестермен жұмыс істеймін», - деді Волков.
29 шілдеде Ultimate Fighting Championship (UFC) Волковтың келесі жекпе-жегінің күнін жариялады. Ресейлік ауыр салмақта австралиялық Тай Туйвасаға қарсы жұдырықтасады. Жекпе-жек 10 қыркүйекте Сиднейдегі UFC 293 турнирінде өтеді.
Барлығы 34 жастағы Волковтың еншісінде 36 жеңіс (оның 24-інде нокаутпен), аралас жекпе-жектен он жеңіліс бар. Ресейлік спортшы UFC-де 2016 жылдан бері өнер көрсетіп келеді.