Али Ахмедов келесі жекпе-жегіне дайындықты бастады

Орта салмақтағы қазақстандық боксшы Али Ахмедов (19-1, 14 КО) АҚШ-қа барып, жаттығу жұмыстарын бастады, деп хабарлайды Prosports.kz.

Спортшы Instagram парақшасында Калифорниядағы Churchill Boxing Club залында жаттықтырушы Кристофер Камачомен түскен суретін жариялап, «Жұмысқа кірістік», - деп жазды.

Айта кетейік, Ахмедов кейінгі жекпе-жегін 2022 жылы қыркүйекте Лас-Вегаста өткізді. Онда америкалық боксшы Габриэль Росадоны (26-17-1, 15 КО) жеңіп, IBF North American және WBC Silver белбеуіне ие болған.