Джокович титулдар саны бойынша үшінші орынға көтерілді
![Джокович титулдар саны бойынша үшінші орынға көтерілді](https://prosports.kz/upload/news/content//202308/472_abae4d1a648ec59a9c1cf7af362169ae.jpg?v=28702227)
Сербиялық теннисші Новак Джокович Цинциннатидегі (АҚШ) «Мастерстің» жеңімпазы атанды, деп хабарлайды Prosports.kz.
Турнирдің финалында қарсыласы испаниялық Карлос Алькарас болды. Кездесу 3 сағат 50 минутқа созылып, 5:7, 7:6 (9:7), 7:6 (7:4) есебімен аяқталды.
Джокович карьерасында 95-титулын жеңіп алды. Ол Иван Лендлдан озып, үшінші орынға шықты.
Серб теннисшісінен тек Роджер Федерер (103) мен Джимми Коннорс (109) көбірек трофей жеңген.
Айта кетейік, Джокович «Мастерсте» 39-рет топ жарып, өз рекордын жаңартты.