«Челси» «Брайтон» ойыншысы үшін рекордтық сома төлейді

«Брайтонның» тіреуші жартылай қорғаушысы Мойсес Кайседо АПЛ-дағы рекордтық сомаға «Челсиге» ауысады, деп хабарлайды Prosports.kz.

Бұл туралы X әлеуметтік желісінде (бұрынғы Twitter) инсайдер Фабрицио Романо хабарлады.

Дереккөздің мәліметінше, тараптар 21 жастағы ойыншының 115 миллион фунт стерлингке ауысуы туралы келісімге келген. Сондай-ақ, «Брайтон» эквадорлық ойыншыны қайта сатқан жағдайда пайыз алады.

Жартылай қорғаушы 2031 жылға дейін келісімшарт жасасады.

Бұл трансфер АПЛ ішіндегі трансферлер тарихында ең ірі трансфер болады. Бұған дейін бұл рекорд Деклан Райсқа («Вест Хэмнен» «Арсеналға» £100+5 миллион фунтқа) ​​және Джек Грилишке («Астон Вилладан» «Манчестер Ситиге» 100 миллион фунтқа) тиесілі болды.