«Жеңілісім - кездейсоқтық». OCTAGON титулына үміткер файтер өзбекпен реванш туралы айтты
![«Жеңілісім - кездейсоқтық». OCTAGON титулына үміткер файтер өзбекпен реванш туралы айтты](https://prosports.kz/upload/news/content//202308/203991_8935451e04c4bd12b3287980a4e6041c.jpg?v=28668531)
Орта салмақтағы әзірбайжандық Гундуз Набиев (6-4) Бакуде өтетін OCTAGON 48 турнирінде өзбекстандық файтер Ислом Болтаевқа (3-2) қарсы өтетін титулдық жекпе-жек туралы мәлімдеме жасады, деп хабарлайды Prosports.kz.
«Мен бәріне 100% дайынмын. Алғашқы жеңіліс – бұл таза кездейсоқтық, сол шайқасқа дайындық нашар өтті. Бұл жолы бәрі басқаша болады, белбеу Бакуде қалады, Инша Аллаһ!».
Айта кетейік, 18 тамызда Еуразиялық жекпе-жек лигасы тарихындағы бірінші шара аясында Әзірбайжанда қарсыластардың реванш шайқасы өтеді. Осы жылдың наурыз айында Ташкентте өткен бірінші жекпе-жекте Болтаев үшінші раундта мерзімінен бұрын жеңіске жеткен болатын.