Алексей Луценко Испанияда өткен веложарыста топ жарды

«Астана» шабандозы Алексей Луценко Испанияда өткен «Круг Гечо» біркүндік веложарысында жеңіске жетті, деп хабарлайды Prosports.kz.

Луценко мәре сызығына 4 сағат 19 минутта кесті. Бұл қазақстандық велошабандоздың мансабындағы бесінші жеңісі.

Екінші орын Lidl - Trek шабандозы Тони Галлопенға бұйырды. Үздік үштікті «Астананың» тағы бір шабандозы, италиялық Симоне Веласко түйіндеді.

«Круг Гечо» (193.3км)

1. Алексей Луценко («Астана») - 4:19:11;
2. Тони Галлопен (Lidl – Trek) +0:24;
3. Симоне Веласко («Астана») +0:32.