Уимблдонның алғашқы финалисі белгілі болды

Чехиялық теннисші, әлемнің 42-ракеткасы Маркета Вондроушова Уимблдон турнирінің финалына шықты, деп хабарлайды Prosports.kz.

Бейсенбі күні өткен жартылай финалдық кездесуде ол әлемдік рейтингте 76-орында тұрған украиналық Элина Свитолинаны жеңді. 1 сағат 14 минутқа созылған матч 6:3, 6:3 есебімен аяқталды.

Еске салайық, екінші финалист тунистік Онс Жабер мен Беларусь теннисшісі Арина Соболенко арасындағы ойында анықталады.