Тоқаев: Сейілда Байшақовтың есімі мен бейнесі мәңгі ұмытылмайды
![Тоқаев: Сейілда Байшақовтың есімі мен бейнесі мәңгі ұмытылмайды](https://prosports.kz/upload/news/content//202307/472_b486f1ac5f08a0b518b7e4caddaa63fd.jpg?v=28663901)
Президент Қасым-Жомарт Тоқаев қазақ футболының аңызына айналған даңқты спорт ардагері Сейілда Байшақовтың дүниеден өтуіне байланысты оның отбасы мен жақын туыстарына көңіл айту жеделхатын жолдады, деп хабарлайды Prosports.kz тілшісі Ақордаға сілтеме жасап.
– Сейілда Икрамұлы «Қайрат» футбол командасының сапында көп жылдар бойы өнер көрсетіп, жасындай жарқыраған еді. Білікті бапкер ретінде жастарды жеңіске жетудің қыр-сырына үйретіп, елімізде осы спорт түрінің дамуына зор үлес қосты. Өмірде адал еңбек етіп, өшпес із қалдырған Сейілда Икрамұлының есімі мен бейнесі мәңгі ұмытылмайды. Марқұмның иманы саламат, жаны жәннатта болсын, – деп жазылған жеделхатта.